Les mots surlignés font l'objet d'une note
1Reçue à Grenoble, le 26 janvier 1573. Répondue.
2Monsieur, pource que arsoyr le vibaillifz menvouyat icy
3ung homme me priant volloyr signer unne supplication
4quil veult presenter à sa majesté suyvant lavis que luy en
5at donne monsieur le president Belliefvre, ayant veu
6ladite requeste, je ley signée pour y avoyr veu le signet
7et cachet de plusieurs segneurs et gentilzhommes de
8ce pays. Ledit messagier qui me lapportat me dict que
9sa majesté avoyt envoyé à monsieur le premier president
10unne commission pour allienner troys mille frans de
11rante de son domeyne. Sy ainsin il est, je vous supplierey
12très humblemant me disperser de votre faveur pour
13me faire recouvrer ce lieu de Vifz, sil se peult allienner
14et jen dorrey ung tiers ou la moyctié devantayge
15quil navoyt au paravant esté allienné. Monsieur, sy me
16faictez se bien, je vous serey tourjours plus fort obligé
17et prierey Dieu vous donner en santé,
18monsieur, longue et comptancte vye, saluant vous bonnes
19graces de mes très humbles recommandations. De votre maison
20à Vifz, ce XXVIe janvier 1573.
21Vostre très humble et hobeyssant
22serviteur
23Laval
24Suyvant ce que mescriptez
25vous envoyer ma femme, il
26na tenu à moy, mèz elle craynt
27de desplère à madame de
28Guordez à qui elle est très humble
29[ainsy quelle est fort ma ?? bague ]
30[et mes interetz]
3132
[124 v°] Vif est declairé inalienable parce que
33le roy la rachepté des deniers de ses subiectz
34abitans dudit Vif à condition de le pouvoir
35plus par cy après aliener ; et par la
36dernière commission, le roy promet seullement
37vandre les plusvallues de ce quest jà
38alliené et possedé par les acquereurs.
39Vray est que si lesdits acquereurs ne veulent
40achepter la plusvallue des terres par
41eulx acquises, sa magesté permet aulx
42commissaires de vendre lesdites terres avec
43ladite plusvallue au plus offrant et
44dernier encherisseur en ramboursant ledit
45acquereur du sol principal et de loiaulx
46coutz et mises